Арсовска ќе ја отстрани галијата, ама друго ништо не руши – така ветила
Галијата поставена во реката Вардар во центарот на Скопје, чие отстранување започна во време на поранешната градска власт во Скопје, ќе биде срушена, согласно дадените налози од претходниот градоначалник Петре Шилегов, најави денеска градоначалничката Данела Арсовска.
Таа во исто време, со оглед на тоа дека нејзиниот претходник планираше дислоцирање и на другата галија, повтори дека новата градска власт нема намера да руши ништо друго, затоа што такво било нејзиното предизборно ветување.
„Во својот мандат, јас ништо нема да рушам“, рече таа.
Откако Арсовска стана градоначалничка на Скопје, галијата во реката Вардар не се урива. Повеќе од три месеци, ги нема работниците кои по налог на ексградоначалникот Шилегов почнаа со демонтирање на „бродот“.