Анкара: Курдската работничка партија изврши напад од Сирија врз турски регион погоден од земјотресот
Курдската работничка партија, која се смета за терористичка во Турција, ЕУ и САД, изврши напад со повеќецевен ракетен фрлач од сирискиот Тал Рифат на граничниот премин Ончупинар, во близина на турскиот град Килис, јави Анадолија.
Нападот се случи еден ден откако два разорни земјотреси го погодија регионот.
„Терористичката организација ПКК/ЈПГ, која е целосно туѓа на човештвото, дури го искористи земјотресот и изврши гнасен напад со повеќецевен ракетен фрлач од Тал Рифат врз зоната на одговорност на нашиот граничен премин Ончупинар. Иако немаше штети или жртви меѓу нашите единици, тие возвратија со оган на терористичките цели“, се наведува во соопштението на Министерството за одбрана на Турција.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот