Амбасадорот на САД во Приштина, Џеф Ховениер, на својот официјален профил на Твитер се огласи по средбата одржана во Амбасадата во врска со формирањето на Заедницата на српските општини, на која присуствуваа претставници на српската и албанската заедница од Владата, опозицијата и граѓанскиот сектор во Косово.

„Денеска одржавме расправа за Заедницата на општини со српско мнозинство. Благодарни сме на различните присутни засегнати страни што ги споделија нивните ставови и експертиза. Продолжуваме да се залагаме за спроведување на сите заложби од дијалогот”, напиша Ховениер.

Today we held a listening session @USEmbPristina on the Association of Serb-majority Municipalities. Grateful to the diverse stakeholders present for sharing their views and expertise. We continue to advocate for implementation of all Dialogue commitments. pic.twitter.com/5MSwKMzE89

— Ambassador Jeff Hovenier (@USAmbKosovo) January 31, 2023

На состанокот присуствуваа претставници на различни косовски министерства, Владата, Собранието и Претседателството на Косово, како и претставници на опозициските партии и иницијативи и претставници на невладината „Нова социјална иницијатива” од Северна Митровица и „Институт за афирмација на меѓуетнички прашања” од Приштина и други.