Во саботата маж во Мичиген случајно го застрелал својот брат додека биле во лов на елени.

Двајцата биле на лов во подрачјето Бостон Тауншип, на 200 километри северозападно од Детроит и го барале еленот кој еден од браќата веќе го ранил, пишува Си-Ен-Ен.

Околу 17:30 часот по локално време, тие се раздвоиле во густо поле со пченка. Еден од нив сметал дека го видел еленот и испукал куршум од пушката, па по забуна го погодил својот брат.

The shooter believed he saw a deer moving through the corn and fired a shot from a muzzle-loading rifle, striking his brother. https://t.co/LuNB2wJ7eL

— RTV6 Indianapolis (@rtv6) November 18, 2019

Братот кој пукал веднаш повикал итна помош, па повредениот брат со хеликоптер бил префрлен во болница во Гранд Рапидс. Тој се наоѓа во сериозна, но стабилна здравствена состојба.

Иако не е утврдена точната причина за пукањето, двајцата потполно соработувале со истражителите, па се претпоставува дека се работи за несреќен случај.