Американските потрошувачи потрошиле рекордни 9,12 милијарди долари за време на овогодинешниот „црн петок“ исклучиво на онлајн купување, покажуваат податоците на Адобе.

Онлајн трошењето се зголемило за 2,3 отсто тој ден, пред се благодарение на потрошувачите кои чекаат попусти, соопшти филијалата на компанијата, Адобе Аналитикс, која ја мери е-трговијата и има пристап до податоците кои ги покриваат купувањата на 85 од 100-те најдобри онлајн трговци на мало во САД.

Пред тоа, се предвидуваше дека продажбата на црниот петок ќе порасне за скромни 1 процент. Адобе очекува Сајбер Мандеј повторно да биде најголемиот ден за онлајн шопинг во сезоната, со 11,2 милијарди долари.

Се очекуваше потрошувачите да се собираат во продавниците откако пандемијата влијаеше на купувањето во продавниците во последните две години, но тоа не се случи.

Американците се свртеа кон паметните телефони за да го направат својот празничен шопинг, при што податоците од Адобе покажуваат дека купувањето преку мобилни телефони сочинува 48 проценти од целата дигитална продажба на црниот петок, објави Блик бизнис.