АБК денеска со претставници на граѓанскиот сектор и медиумите за политичката ситуација во Косово
Алијансата за иднината на Косово (АБК), на чело со Рамуш Харадинај, денеска ќе разговара со претставници на граѓанското општество и медиумите за политичката ситуација во Косово, пренесува Економи онлајн. Состанокот ќе се одржи во Собранието на Косово.
Како што се наведува во соопштението на АБК, на средбата ќе се разговара како да се излезе од актуелната политичка криза.
„Пратеничката група Алијанса за иднината на Косово започна циклус дискусии за сериозната политичка ситуација во Косово и можните начини за излез од оваа ситуација, со учесници од јавниот живот, експерти, претставници на граѓанското општество и медиумите“, се вели во соопштението на АБК.
Претходно опозициската ДСК покрена акција во која претставници на таа партија во неколку наврати разговараа со невладиниот сектор, претставници на медиумите и аналитичари за актуелната политичка состојба на Косово.