Пилешки јајца од Србија сѐ уште се забранети да се извезуваат во земјите од Европската унија бидејќи правилникот за одгледување кокошки не одговара на европските стандарди, а Министерството за земјоделство нема прецизни информации кога би можел да се реши овој проблем.

Освен забрана за извоз на јајца од Србија, има и забрана за транспорт низ земјите на ЕУ, а решението на овој проблем бара производителот да ја смени комплетната опрема за одгледување кока.

Имено, стандардот на Европската унија е дека кокошката во кокошарник мора да има простор од 750 сантиметри, а во Србија стандардот е 550 сантиметри и тоа е причината што извозот на јајца во земјите од Европската Унија е забрането. Извршниот директор на компанијата „Ребра комерц“, Раде Шќепановиќ, наведува дека регулативата на ЕУ налага, покрај одредена површина, и шипки за одмор, за да не е кокошката постојано на жицата, затемнет простор со пластична подлога, каде што може да снесе јајце, како и прописи за воздух и вентилација.

На производителите им е даден рок до крајот на оваа година да ги применат минималните стандарди на ЕУ“, вели Шќепановиќ и посочува дека некои компании имаат и многу модерни фарми во кои се одгледуваат кокошки несилки, анализира Н1.