ЗНМ: Осуда за заканите и навредите врз новинарката Мирослава Бурнс
Здружението на новинарите на Македонија остро ги осудува заканите и навредите врз новинарката на Слободен печат, Мирослава Бурнс од страна на Ласте Ивановски, вработен во Царинската управа.
Во текот на вчерашниот ден Ивановски преку социјалната мрежа Фејсбук упатил недолични навреди и закани кон новинарката Бурнс. Овој непримерен начин на комуникација и малтретирање е неприфатлив и претставува директна закана кон слободата на говорот, наведуваат во соопштение од ЗНМ.
-Го повикуваме Министерството за внатрешни работи итно да ги преземе сите мерки за расчистување на овој случај. Истовремено, земајќи во предвид дека заканите се изречени од лице кое е државен службеник ги повикуваме неговите надредени од Царинската управа да преземат соодветни санкции против нивниот вработен со цел вакви случаи да не се повторуваат во иднина- наведуваат во соопштението од ЗНМ.
ЗНМ потсетува дека онлајн заканите и малтретирањето се во подем во предизборниот период и уште еднаш апелира до партиите и граѓаните да се воздржат од закани кон новинарите бидејќи тоа претставува кривично дело за кое се предвидени ригорозни казни.