Српскиот тенисер Новак Ѓоковиќ во првото коло на последниот грен слем годинава „УС Опен“ ќе игра против 85 тенисер во светот, Александр Милер од Франција.

Доколку триумфира вториот светски рекет, во следната фаза ќе игра со подобриот од мечот Бернабе Запата Мираљес – Итан Квин.

Моментно најдобриот тенисер на светот Карлос Алкараз се наоѓа во втората половина од жрепката. Потенцијален дуел меѓу Алкараз и Ѓоковиќ е можен само во финалето.

Во третото коло Ѓоковиќ би можел да се сретне против својот сонародник Ласло Ѓере кој на стартот ќе игра против Американецот Брендон Накашима.

US Open Main Draw Singles pic.twitter.com/ynzP6ZQgB3

— Tennis Draws (@DrawsTennis) August 24, 2023

Најтешкиот ривал во делот од жрепката каде Ѓоковиќ е прв фаворит според рангирањето е Холгер Руне, а тука се и минатогодишниот финалист Каспер Руд, Стефанос Циципас, со кој Ѓоковиќ би можел да се сретне во четвртфиналето, Тејлор Фриц и Лоренцо Музети.

Од друга страна, првиот светски тенисер Алкараз го отвора својот пат на „УС Опен“ против Доминик Кепфер од Германија, а веќе во третото коло би можел да има сериозен предизвик, 26. носител Даниел Еванс.

Кога зборуваме за другите фаворити, Андреј Рубљов во првото коло ќе игра против Емил Рустувори, ривал на Данило Медведев ќе биде Атила Балаж, а Александар Зверев ќе игра против Александар Вукиќ. Четвртиот грен слем оваа сезона ќе стартува в понеделник.