Женското одбојкарско дерби за Србија, европскиот и светски шампион ќе игра во полуфинале
Женската одбојкарска репрезентација на Србија се пласира во полуфиналето на олимпискиот турнир во Токио откако во четвртфиналето ја декласира Италија со 3:0 во сетови и тоа со 25:21,25:14,25:21.
Ова беше дуел на светскиот шампион и светскиот вицешампион како и дуел на двете најдобри одбојкарки на светот, Паула Егону и Тијана Бошковиќ, а победа повторно издвојуваа српските одбојкарки.
Првиот сет помина во израмнета игра во кој беше присутна резултатска нишалка со менување во водство на двете репрезентации. Во финишот, Србија успеа да дојде до водство од 24:20 по што беше јасно дека ќе го освои првиот сет.
Во вториот сет, доминираа српските одбојкарки, успеаја да ја запрат Егону, дојдоа до предност од 17:9 и до крајот успешно ја зачуваа предноста за водство од 2:0 во сетови.
Во третиот сет Италијанките се обидоа да се вратат во игра, имаа предност од 6:10, но Србија успеа прво да израмни на 13:13, а потоа и да поведе со 19:15, а предноста да ја сочува до крајот на сетот, што воедно значеше и конечен триумф со 3:0 во сетови и пласман во полуфиналето.
Противник на Србија во полуфиналето ќе биде селекцијата на САД која со 3:0 (25:11,25:20,25:19) ја победи Доминиканска Република.