Потпретседателот на СДСМ, Мухамед Зеќири на ТВ 24 истакна дека пратениците веќе имаат службени компјутери во канцеларија и таблети кои ги задолжуваат кога им почнува мандатот и ги враќаат кога истиот ќе заврши.

Набавените лаптопи за собраниските служби, Зеќири вели дека се донација и не се за лична потреба за пратениците.

-Пратениците ниту биле во тек ниту знаеле што се случува. Тие се боксерска вреќа и сите се истураат врз нас мислат дека ние сме ги сакале и сме ги побарале тие лаптопи- рече Зеќири.

Зеќири во гостувањето вели дека ситуацијата е крајно сериозна, тактизирањето во врска со донесувањето на измените на Законот за заштита на населението од заразни болести од страна на опозицијата е несфатливо и за нас и за граѓаните.

Тој нагласи дека Законот не се носи за СДСМ или за ВМРО ДПМНЕ, туку, како што рече, за превенција од заразата.

-Не е време за политички хирови, ниту за профитирање преку ситни политички поени, крајно време е да се донесе законот. Во меѓувреме има нови препораки за носење заштитни маски на отворено, забрана за групирање по 22 часот и ограничување на бројот на домашни гости, амандманите се изготвени од СДСМ да бидат составен дел на законот – рече Зеќири.

Со амин од Џафери набавени 100 лаптопи за Собранието