Во рамки на Вториот меѓународен натпревар за квалитетот на медот „Tetovo Honey Award 2020” организиран од здруженијата „Град на пчелите” и „Полошки мед” денеска на Факултетот за прехранбена технологија и исхрана на Универзитет во Тетово започна органолептичка анализа на пристигнатите примероци мед. Пристигнати се 370 примероци на мед од учесници од 17 земји, а првпат од Австралија и Америка.

-Органолетичката комисија ќе го оценува секој мед посебно по однос на вкусот, аромата, чистотата, водата. После медот ќе оди во лабораторија, ќе се прават анализи и ќе се соберат двата резултата. Така ќе се знае кој пчелар ќе добие златна, сребрена или бронзена медаља, изјави Дритон Дикена од „Град на пчелите”.

Медот се оценува со учество и професори од Универзитетот, но и стручни лица со меѓународни сертификати за оценување.

-Три екипи ја прават органолетпичката оценка, а составени се од професори од факултети, се е со шифри, без имиња. Анализа прво се прави со рефлекометар да се види колку вода има ставено и се оценува процент на вода. Ова на пример нешто што не чини. Има 30 отсто вода. На вештачки пат му е вадена водата.  Според европски стандарди, дозволена вода е до 20 отсто.  Најмногу поени даваме ако има 18 проценти, вели Слободан Јефтиќ од Србија кој е меѓународен оценувач.

Резултатите ќе бидат познати по две недели