Во рамки на засилените акциски контроли во областа на сообраќајот на Министерството за внатрешни работи на територија на Град Скопје во текот на вчерашниот ден се изречени вкупно 128 мерки, меѓу кои 20 за возење со брзина поголема од дозволената, девет за управување возило без возачка дозвола и 11 санкции за возење под дејство на алкохол.

– Изречени се седум мерки за користење мобилен телефон, девет санкции за минување на затворен сигнал (црвено светло), пет санкции за возач почетник, 10 мерки за прекршоци што ги прават возачите на мотоцикли…, се наведува во соопштението на МВР.

Од полицијата посочуваат дека засилените акциски контроли продолжуваат и апелираат до граѓаните да ги почитуваат сообраќајните правила и прописи за да се зголеми безбедноста во сообраќајот и заедно да придонесеме за посигурни патишта.