Во штипскиот регион зголемен бројот на лица во изолација
Со новите случаи повторно се зголеми и бројот на лица, кои се во изолација.
Во Штип и денеска се бележат нови случаи на заразени од коронавирусот. Надлежните од Центарот за јавно здравје-Штип информираат дека станува збор за случаи поврзани со текстилен и кожарски кластер, а има и новозаразени од скопјанец, кој дошол на гости во Штип и неговите контакти се позитивни. Епидемиолозите се уморни и веќе во контиунитет дневно во штипскиот регион прават по 50 тестови, наведуваат од ЦЈЗ-Штип.
Со новите случаи повторно се зголеми и бројот на лица, кои се во изолација. Ако минатата недела бројката се движеше од 420 до 450, сега оваа бројка на граѓани, кои мора да седат дома е над 500.
Епидемиолозите немаат потполна слика по тестирањето на вработените во градинките. Се уште се чекаат резултатите на 20-тина вработени во градинката „Астибо”, а скринингот е направен на 12 јуни.