Во ракетен напад на Хутите врз товарен брод загинаа двајца членови на екипажот
Двајца членови на екипажот се убиени во ракетен напад на Хутите врз товарен брод кај јужен Јемен, соопштија американските власти. Првите смртни случаи ги предизвикаа нападите на групата врз трговските бродови, пренесува Би-би-си.
Бродот кој пловел под знамето на Барбадос, бил напуштен и се движел со пожар на бродот. Бродот е погоден во Аденскиот Залив околу 09:30 часот по Гринич. Хутите велат дека нивните напади се за поддршка на Палестинците во војната меѓу Израел и Хамас во Газа.
Групата поддржана од Иран преку соопштение информира дека екипажот на бродот ги игнорирал предупредувањата од поморските сили на Хутите.
Британската амбасада во Јемен соопшти дека смртта на морнарите била тажна, но неизбежна последица од непромисленото гаѓање на проектили на Хутите врз меѓународниот брод и инсистира нападите да престанат.
Шест членови на екипажот исто така се повредени, изјави американски официјален претставник за Би-Би-Си.
Нападот се случил на околу 93 километри југозападно од јеменскиот град Аден. Портпаролот на управителите на бродот вели дека нема информации за состојбата на екипажот на бродот од 20 морнари и тројца вооружени чувари.