Во преговори со Босанците, Васоски ќе седне на клупата на Сараево!?
Сараево во чии редови настапува поранешниот македонски репрезентативец Крсте Велкоски на пет дена до почетокот на зимските подготовки е во потрага по нов тренер.
По заминувањето на Горан Саблиќ, доста имиња се поврзуваат со клупата на босанскиот фудбалски клуб, а помеѓу нив е и Александар Васоски, досегашниот стратег на ФК Академија Пандев.
Васоски пристигна во Сараево во средата по што веднаш замина на состанок со челниците на оваа екипа.
– Сè ќе се знае во наредните ден-два, имајте разбирање – изјави Васоски за босанските медиуми.
Веќе е запознат со состојбите во клубот и ги претстави своите планови. Поранешниот одличен дефанзивец кој во својата тренерска кариера работеше не само во Академија Пандев туку и во Вардар треба да ја почека конечната одлука.
Ппрозивката на ФК Сараево е закажана за 10 јануари. Прецизен план за подготовка се очекува по назначувањето на нов тренер.