14 C
Скопје

Во градинките има заболени, но состојбата е стабилна

Состојбата сега е стабилна, без разлика на тоа што и натаму има заболени работници, е реакцијата на министерката за труд и социјална политика Јагода Шахпаска, по информациите дека некои градинки не работат поради заразени од коронавирус и самоизолирани воспитувачки и вработени.

Шахпаска завчера рече дека 59 нови позитивни вработени и 11 деца се заразени во градинките низ целата земја.

– Таа динамика е константна. Втората седмица во ноември беше пикот во градинките. Родителите веруваат во функционирањето на поставените протоколи во градинките, а за тоа потврдува дека нема ширење на заразата во нив – посочи Шахпаска.

Таа истакна дека епидемиолошката состојба во нашата земја е иста како земјите во околината и во целиот свет.

Прочитајте и...  Сите фирми не може да земат помош за плати: Еве кои можат

– Децата сепак се во категорија на лица што се помалку чувствителни на вирусот. Доколку доследно ги почитуваме мерките, носиме маски, се дезинфицираме, држиме растојание, не се групираме, доколку пристапиме на процесот на вакцинација одговорно, ние сите заедно како држава и како свет ќе излеземе брзо од оваа пандемија – порача министерката Шахпаска.

Вкупно 24 деца од три групи се наоѓаат во изолација, во клонот „Сончогледи“ кој е под градинката „Пролет“ во Влае, велат од Општина Карпош за „Слободен печат“, откако претходно се појавија информации за тоа дека во оваа градинка има поголем број деца во изолација поради ковид-19.

Во врска со бројот на заболени, од општината ни потврдија дека засега нема позитивно дете, но заразени се неколку негувателки како и еден воспитувач.

Прочитајте и...  Поповиќ за СП: Потребни се повисоки плати, борбата со корупцијата не е бесплатна

– Според моментните информации, заразени се четири негувателки и еден воспитувач, но нема ниту едно дете позитивно на вирусот – ни рекоа завчера од Општината Карпош.

Родители и од општината Центар реагираа дека поради заболени негувателки во градинката „13 ноември“ во Центар, повеќе деца од различни групи, исто така, се во изолација.

– Поради заразени негувателки, моето дете е во изолација, како и повеќе други деца. Ние не сме информирани колку од нив се заразени и каква е состојбата – вели еден родител за „Слободен печат“, кој сакаше да остане анонимен.

Од Општина Центар за „Слободен печат“ велат дека во градинката имало и позитивни деца, но тие веќе се оздравени.

Прочитајте и...  Додик, Човиќ, Груевски и Јанша: Сите патишта на проруските политичари водат кон Орбан

– Добивме известување дека во „13 Ноември“ имало заболени деца и негувателки, иако не знаеме точно колку, но веќе тие се оздравени и сега состојбата таму е нормализирана – ни одговорија од Општина Центар.

Поврзани вести

Министрите за надворешни работи на Г7 во мај ќе одржат состанок со физичко присуство

Слободен печат

Донесена одлука за едностран раскин на Договорот за концесија за ископ на песок во Долно Коњаре

Слободен печат

Српските државјани нема да плаќаат патарини од 15 јуни до 15 август во Македонија

Слободен печат

Меркел бара дијалогот со Русија да продолжи

Слободен печат

Израел и Велика Британија размислуваат за „зелен коридор за патување”

Слободен печат

Во Велес вчера немало нов ковид-случај, денеска регистрирани 36 позитивни

Слободен печат

Остави Коментар