Колку е доминантен докажа во текот на 2021 година, кога соборуваше рекорди од турнир во турнир, блеска и покрај неговите 34 години и направи нешто што ретко кој ќе може да го надмине во блиска иднина.

Српскиот тенисер Новак Ѓоковиќ освои три Грен слем трофеи годинава, се израмни со Рафаел Надал и Рожер Федерер – по 20 грен слем титули, по рекорден седми пат завршува како првопласиран на АТП, а 353-та недела на тронот ја започна во последната седмица од 2021 година.

Една од целите на Ѓоковиќ оваа сезона беше да го собори рекордот по број на недели на врвот на АТП листата. Мислеа дека Федерер е недопирлив со 310 недели на светскиот трон. Но, не и за Ноле. Српскиот ас во март го надмина Швајцарецот, направи антологиски успех и не застана тука. Ѓоковиќ како предводник на АТП караванот ја заврши годината и математички се осигура дека ќе биде прв во светот најмалку 357 недели!

Едноставно најдобар: Девет нереални рекорди на Ѓоковиќ во 2021 година

Се чинеше и дека рекордот по бројот на освоени Грен слем турнири на Федерер е неприкосновен, но сега Надал и Ѓоковиќ ги имаат тие 20 освоени титули. Новак во текот на целата своја кариера ги бркаше најголемите ривали и конечно стигна до нив оваа година, речиси надминувајќи ги.

Српскиот ас го освои „Австралија опен“. Потоа го направи она што многумина исто така мислеа дека нема да може, го симна Надал од тронот на „Ролан Гарос“. Потоа уште еднаш потврди дека е крал на „Вимблдон“ и со тоа се израмни со Надал и Федерер по бројот на слемови – по 20.

Новак го крена целиот свет на нозе, сите го чекаа „УС Опен“. Само трофејот во Њујорк го делеше да стане првиот играч од Род Лејвер, повеќе од половина век, со освојување на сите четири најголеми турнири во иста година. Само три сета го делеа од вечноста, но притисокот беше преголем и посилен, како и Данил Медведев кој славеше во финалето. Србинот ќе се потруди да испише нова историја во 2022 година.

Ѓоковиќ во 2021 година го надмина идолот Пит Сампрас. Тој ја заврши рекордната седма година како прв тенисер во светот. Многумина тврдеа дека поразот од Њујорк ќе го скрши, дека тука е крајот на доминацијата, дека тронот ќе му го препушти на Русинот Медведев. Но, Новак уште еднаш покажа дека гладта за рекорди е посилна од секое разочарување.

Тој се врати на терените по едномесечна пауза, и го освои Мастерсот во Париз. Тој го однесе трофејот во директна пресметка со Медведев. Потврда за доминација каква што само може да се посака.

Ѓоковиќ е спортист на годината во Европа

Исто така, со победата во Париз, првиот тенисер во светот стана рекордер по бројот на освоени мастерс трофеи – 37. Го прескокна Рафаел Надал. Оваа година, тој стана првиот човек во историјата кој победил на секој Грен слем турнир најмалку двапати и го израмни рекордот на Федерер по бројот на финалиња на Грен слем. И двајцата имаат по 31, но јасно е дека Новак ќе го собори тој рекорд и следната сезона.

Она што Новак можеби најмногу го посакуваше, но не успеа да го постигне е олимпиското злато во Токио. Не успеа ниту во мешани двојки, но Ѓоковиќ јасно кажа дека нема да се откаже, нема да се откаже од златото на Игрите и дека повторно ќе се обиде на Олимпијадата во Париз во 2024 година.