Владата ги утврди проектите кои се поставени како приоритет за полошкиот регион – Слободен печат
ВестиМакедонија

Владата ги утврди проектите кои се поставени како приоритет за полошкиот регион

Премиерот Зоран Заев соопшти дека е завршена изградбата на филтер станицата на водоснабдителниот систем во Тетово со што градот сега се снабдува со квалитетна вода.

Инфраструктурните проекти во патната мрежа, во образовните институции, како и проектите за водоснабдување, канализационите системи и депониите за обработка на отпадот, се дел од приоритетите на полошкиот регион кои беа утврдени на вечерашната седница на Владата која се оддржа во Тетово.

Премиерот Зоран Заев соопшти дека е завршена изградбата на филтер станицата на водоснабдителниот систем во Тетово со што градот сега се снабдува со квалитетна вода.

„Заврши и рехабилитацијата на регионален пат Тетово-Попова Шапка во должина од 18,2 километри, инвестиција вредна 1,7 милиони евра и се подобри пристапноста до скијачкиот центар Попова Шапка за сите посетители. Го рехабилитираме регионален пат Гостивар-Колари-Кичево и извршивме реконструкција на 5 мостови на оваа делница, и на патот до Охрид ја подобруваме безбедноста на сообраќајот за сите возачи. Со изградбата на водоснабдителниот систем на Општина Желино, создадовме услови за поврзување на 18 населени места во општината“, стои во соопштението на владината прес служба.

Соопштено е и дека Министерството за труд и социјална политика отвора канцеларии во 7 населени места во Полошкиот регион.  Вакви канцеларии се отвораат во: Боговиње, Брвеница, Гостивар, Јегуновце, Теарце и Желино.

Преку проектот за подобрување на општински услуги, кој го спроведува Министерството за финансии со поддршка на Светска банка и ЕК, одобрена е техничката документација на Општина Тетово за набавка на автобуси.

Во март 2019 завршена е изградбата на ново училиште во село Гургурница, Општина Брвеница.

Министерството за финансии склучи договор за заем со Општина Тетово за „Изградба на дел од булевар Видое Смилевски Бато“ во Тетово во рамки на МСИП проектот.

Преку ИПА грант, министерството за финансии наменило средства за набавка и инсталација на фотоволтаични системи во јавни општински објекти. Во Општина Тетово беа инсталирани фотоволтаични системи со вкупна моќност од 45kW на Филтер станицата за водноснабдителен систем, на Општинското основно училиште „Ѓерѓ Кастриот Скендербег“ во село Порој Средното училиште“7-ми Март“ во Тетово.

Со средства од Програмата за подобрување на општински услуги се финансира изградба на две филтер станици во село Неготино и с ело Добри дол во вкупна вредност од 31,1 милион денари за снабдување на квалитетна вода за 5223 лица од Добри Дол, 1383 од Топлица и 3673 од Неготино.

Преку програмите на Министерството за култура е поддржано формирањето на новата национална установа-Гостиварски театар. Во тек се првите вработувања, а колку што сум информиран се работи и на првата премиера.

Во завршна фаза е карабината на нов објект во Тетово „Културно-образовен центар“ со нов театар и библиотека, а пред една недела беше положен камен-темелник за изградба на дом на култура во село Камењане во Општина Боговиње, информираат од владината прес служба.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close