Висок функционер во српскиот Парламент пронајден мртов во неговиот дом
Заменик-генералниот секретар на Парламентот на Србија, Бранко Маринковиќ, е пронајден мртов денеска во својот дом во Белград, јавуваат српските медиуми.
Неговото безживотно тело го пронашла сопругата околу 16 часот. Бил направен и обид за реанимација на Маринковиќ, но тој бил без успех. Засега не се открива причината за смртта.
Бранко Маринковиќ на функцијата заменик-генерален секретар дојде пред една година, на 24 октомври лани.
Тој бил истакнат правник кој зборувал неколку јазици, а извршувал високи парламентарни функции десетина години.
По повод смртта на Маринковиќ, телеграма со сочувство до неговото семејство испрати претседателот на српскиот Парламент, Ивица Дачиќ.