ВМРО-ДПМНЕ направи круцијална грешка што не се согласи за уставни измени, порача во Студио на „Слободен печат“ политичкиот аналитичар Мерсел Биљали.

Според него кој и да дојде на власт по парламентарните избори, ќе има обврска да ги реши зададените задачи од страна на ЕУ.

„Еве да претпоставиме дека ВМРО-ДПМНЕ ќе дојде на власт. Првите 4-5 дена ќе се слави, но потоа треба да се седне да се работи. По година дена од мандатот ако немате сериозен напредок во евроинтеграциите, тој меур што се дуе со години, ќе ви пукне од внатре“, посочи Биљали.

Биљали истакна дека односот на Бугарија не е оправдување за нашето општество за да ги дискриминира припадниците на бугарската заедница во Македонија.

„Немаме право да ги дискриминираме тие луѓе од бугарската заедница, без разлика колку и да се и да се три или четири илјади. Тие се наши граѓани, зошто да бидат дискриминирани заради инает кон друга држава“ рече Биљали.

Целото интервју со Мерсел Биљали погледнете го продолжение: