ВИДЕО | Вака зготвена е, сепак, најдобра: Боранија со павлака во рерна
Боранијата можеби не спаѓа меѓу омилените јадења, особено меѓу децата, но е исклучително здрава и вкусна. Обидете се да ја приготвите на овој начин и сигурно членовите на вашето семејство ќе бараат почесто да го правите овој рецепт.
Боранијата со павлака од рерна е вистинско јадење и за викенд, и за „обичен“ ден во неделата.
Здраво и вкусно, а нема да ви биде потребно многу време за приготвување.
Состојки:
– 1/2 кг боранија, или по избор
– 2 мали компири
– 2 моркови
– 1 главица кромид
– 4 чешниња лук
– 1/2 лажичка мелена црвена пиперка
– зачини, сол
– 200 г кисела павлака
– 2-3 јајца
– 1 домат исечкан на коцки
– магдонос
Подготовка:
На масло пропржете го ситно сечканиот кромид, додадете ги морковите исечени на кругови, па динстајте и додадете ја исчистената боранија. Додадете малку вода па динстајте околу 20 минути.
Тргнете од оган, додадете црвен пипер, зачини, сечкан лук, сечкан магдонос и домати исечкани на коцки.
Изматете ги јајцата малку со вилушка, па додадете ја павлаката.
Додадете ја и боранијата, промешајте и по желба одозгора можете да додадете рендан кашкавал. Печете на 220-230 степени околу 30-40 минути додека убаво не порумени.