ВИДЕО: Тричковски е македонскиот „Халанд“ – осум голови од седум настапи во Кипар

Македонскиот поранешен репрезентативец „растура“ оваа сезона во дресот на АЕК Ларнака во Кипар/Фото: EPA-EFE/WALTER BIERI

Иван Тричковски можеби го има својот најдобар старт на една фудбалска сезона во својата професионална кариера.

34-годишниот македонски напаѓач кој изминатото лето ја заврши репрезентативната кариера, се наоѓа во животна форма моментно во дресот на АЕК Ларнака.

И денеска во рамките од седмото коло во најсилното кипарско првенство триумфираше неговиот клуб со 1:2 против Анортозис.

Тричко, кој настапи до 85 минута, го постигна првиот гол за гостите во 35 минута реализиран од пенал.

Тоа е веќе негов осми гол сезонава од досега вкупно седум настапи, што ретко денеска некој фудбалер може да се пофали со ваков моќен старт.