Сирени за узбуна се слушнаа попладнево во северниот дел на Митровица, населен претежно со Срби, јавуваат локалните медиуми, кои додаваат дека повеќе патишта во регионот се блокирани од паркирани камиони.

KM! pic.twitter.com/qapId0W1Kf

— Aleksandar Arsenijević (@Aco_Sfens) July 31, 2022

Според Нова.рс, граѓани почнале да се собираат во центарот на Северна Митровица, каде што се поставува барикади. Србите во Косово се незадоволни од воведувањето на „мерките за реципроцитет“, чијашто примена треба да започне на полноќ, а кои вклучуваат непризнавање на српските лични карти и регистарски таблички на премините.

Според новите правила, на кои остро реагираше официјален Белград, на граѓаните со српски документи ќе им се дава посебен влезно-излезен документ, а утре ќе почне пререгистрацијата на возилата на српски регистерски таблички со косовски.

Околу 18 часот локалните Срби го блокираа и патот кон Лепосавиќ, а тензии се очекуваат и вечерва.