Шкотска ја забележа и втората победа во квалификациите за пласман на Европското првенство 2024, овојпат на домашен терен во Глазгов изненадувачки ја совлада Шпанија со 2:0.

Играчот на Манчестер јунајтед, МекТоминеј беше двоен стрелец со головите во седмата и 51 минута на „Хемпден Парк“ стадионото пред скоро 48.000 гледачи.

Хрватската репрезентација после домашното реми во првото коло со Велс, на гостувањето во Бурса славеше над турската селекција (0:2).

Победата за „коцкестите“ ја донесе фудбалерот на Челси Ковачиќ кој двапати се запиша во листата на стрелците (20`, 45+4`), а две асистенции имаше Пашалиќ.

Квалификации ЕП 2024

Вторник, резултати –

Грузија – Норвешка 1:1
Косово – Андора 1:1
Романија – Белорусија 2:1
Шкотска – Шпанија 2:0
Швајцарија – Израел 3:0
Турција – Хрватска 0:2
Велс – Летонија 1:0