ВИДЕО | Сцена како пред две децении: Шевченко го матираше Буфон од пенал
Андреј Шевченко и Џанлуиџи Буфон оставија длабока трага во историјата на фудбалот, а сега овие две големи имиња повторно беа на спротивна страна.
Двајцата се веќе во пензија, Буфон од неодамна, Шевченко веќе неколку години. Сега заиграа на ревијален натпревар во Словенија организиран од претседателот на УЕФА, Александар Чеферин.
Натпреварот имаше хуманитарен карактер да се соберат средства за помош на Словенија која во август се соочи со големи поплави.
Шевченко и Буфон играа во различни екипи, а имаа и соочување кое потсети на едни други времиња. Украинецот мајсторски од пенал успеа да го надмудри својот некогашен голем ривал.
Quello sguardo l’abbiamo già visto da qualche parte 👀
Sheva batte Buffon dal dischetto e abbraccia Gigi 🫂#DAZN pic.twitter.com/wrWqVQyu0h— DAZN Italia (@DAZN_IT) September 15, 2023
На големата сцена Буфон и Шевченко имаа големо ривалство како членови на Јувентус и Милан. Оваа ситуација потсети на решавачкиот пенал пред две децении кога напаѓачот го матираше Буфон од белата точка во финалето од Лигата на шампионите.