23.8 C
Скопје

ВИДЕО | Проф. Атанасов: Добро е намалувањето на бројот на предмети, но грешка е интегрирањето на историјата во овој период

Внимателно ја гледав презентацијата од МОН. Се работи за крупна промена. Направен е обид да се поместат работите и да се направи чекор напред во наставниот план за основно образование. Може да се види дека се вклучени некои од елемените за кои со години наназад зборувавме дека се потребни, дека се слаби точки, вели за Утрински брифинг, професорот Петар Атанасов и поранешен заменик министер за образование.

Според него е добро што работите од страна на креаторите на образованието конечно се разгледуваат во една развојна функција во споредба со претходно застарениот модел.

-Мене лично ми се допаѓа интегрирањето на предмети и содржини, особено во сродните научни подрачја, како природните науки. Добро е намалувањето на бројот на предмети од 13-14 на 10, конкретно во повисоките години во основното образование. Добро е што се истакнува личниот и социјалниот развој на учениците. Продолжениот престој во училиште треба да се искористи за децата тама да учат заедно со наставниците. За поздравување е што ќе започне похрабро и дигитализацијата како процес, смета Атанасов.

Но поранешниот министер за образование главните пропусти и слабости ги гледа во областа на општествението науки. Смета дека малку е направено во областа социологија и економија, како и историјата како хуманистичка наука да биде интегрирана со друг предмет, особено во време кога државата е принудена и исправена пред предизвик да се бори за сопствениот идентитет.

-Од презентацијата јас не видов дека нешто социолошко ќе се изучува, исто и од економијата. Значи немаме решение за општествените науки. Веројатно е грешка или е избрзано интегрирањето на историјата во рамките на друг предмет, особено во оваа фаза од развојот на државата и нашата борба за идентитетот, вели Атанасов.

Тој нагласува дека историјата е хуманистичка дисциплина, но не е општествена наука.

-Уште посложено е прашањето за идеолошките елементи на нашите општествени науки. Одредени демократски вредности може евентуално да се усвојуваат преку предметот мајчин јазик, но во некоја следна фаза од реформата. Децата треба да се компетентни и да се снаоѓаат пред се во сродните научни области или предмети, јасно изразени и изградени, изјави во Утрински брифинг универзитетскиот професор Петар Атанасов.

 

Поврзани вести

Разни соеви на ковид-19 галопирачки се шират во Африка

Слободен печат

Македонците ќе можат слободно да патуваат во Германија: Границите ќе бидат отворени за вакцинираните лица

Слободен печат

Санкционирани 106 возачи поради пребрзо возење во Тетово и Гостивар

Слободен Печат

Маричиќ: Хрватска ја подджува земјава во стартот на преговорите за членство во ЕУ

Слободен Печат

Навални го исмеа Путин поради наводите за негово бегство од Русија додека бил во кома

Слободен печат

Санкционирани 67 возачи на автопатот Скопје – Велес

Слободен Печат

Остави Коментар