ВИДЕО | Продолжува потрагата по исчезнатите во страшните поплави во Италија

Свлечиште на италијанскиот остров Искија/Фото: EPA-EFE/CIRO FUSCO ITALY OUT

На Италијанскиот остров Искија се уште се трага по десетина лица кои исчезнаа во лизгање на земјиштето во кое загина едно лице и за кои владата ќе се состане во текот на денот.

Свлечиште од кал и остатоци предизвикани од обилните дождови го погоди малото гратче Казамичиола Терме на северот од островот во близина на Неапол.

Спасувачките екипи пронајдоа тело на жена, соопшти службите од Неапол. Жената е идентификувана, имала 31 година, соопшти агенцијата АГИ. Според италијанскиот печат, во одронот се повредени тринаесет лица.

Некои луѓе кои првично беа пријавени како исчезнати на крајот беа пронајдени, вклучително и семејство со новороденче, соооштија властите. Но, во текот на попладневните часови не се знаеше ништо за десетте исчезнати лица.

„Се плашиме дека има повеќе жртви, но засега бројот на жртви е таков“, потврди портпаролот на противпожарната служба Лука Цари.

Потрагата ја отежнува постојаниот дожд и силниот ветер, што го одложи траектот кој донесе помош.

Поради лизгање на земјиштето, калта ги прекри улиците, урива дрвја и носи автомобили сè до морето.

Видео на денот