Српскиот пејач Ацо Пејовиќ настапи во Долината на среќата во Босна, а неговиот концерт во еден момент бил прекинат поради посебна причина.

На неговиот настап дошло девојчето Алмира, чиј живот пејачот го спасил пред 10 години, така што уплатил пари за нејзиното лекување.

Пејовиќ не знаел што го чека кога водителот рекол дека има изненадување, а кога го слушнал името на девојчето, не можел да ги задржи солзите.

– Имаме одлична причина да го прекинеме ова. Колку го сакате Ацо? Луѓе, по ова ќе го сакате уште повеќе. Многумина ме прашаа вечерва да се сликаат со Ацо, но само едно девојче може. Едно девојче ќе се фотографира, се вика Алмира. Ова е фотографирано пред 10 години во Болдин, Ацо и Алмира – рекол водителот и додал:

– Ацо, дали се сеќаваш? Тој платил за нејзиното лекување и помогнал да ѝ се спаси животот. Таа е тука вечерва и на многу скромен и симболичен начин сака да му се заблагодари на Ацо.

Пејачот силно ја прегрнал Алмира, а потоа ја кренал и ја бакнал. Оваа сцена ги расплакала присутните, а сѐ се завршило со неколкуминутен аплауз.

– Не го очекував ова. Ме расплакаа и мене. Да си жива и здрава, срце мое – рекол Ацо.