Настанал пожар во дом во Њу Орлеанс за кој се верува дека е во сопственост на Бијонсе и Џеј Зи. Пожарот бил класифициран како подметнат пожар, а полицијата соопштила дека била направена пријава за „сомнителна личност“ во периодот кога пожарот избувнал, пренесува „NOLA“.

На имотниот лист наведениот сопственик бил поврзан со компанијата „Parkwood Entertainment“ на Бијонсе. Претставници на Бијонсе и Џеј Зи не одговориле на барањата за коментар во четвртокот вечерта.

Противпожарната служба во Њу Орлеанс одговорила на пожарот на улицата „Хармонија“ во средата вечерта, а портпаролот на полицискиот оддел во Њу Орлеанс во четвртокот изјавил дека во тој временски период добил повик за сомнително лице во областа каде што се наоѓа имотот.

Полицијата во четвртокот соопштила дека пожарот е класифициран како подметнат.

„Извештајот за овој инцидент сè уште чека на одобрување, затоа не можеме да дадеме дополнителни детали во овој момент“, рекол портпаролот на полицијата во е-маил.

Пожарот се чини дека започнал во кујната, каде пожарникарите пронашле книги во рерна, според извор кој бил информиран за истрагата. Во куќата била пронајдена и плинска боца.

 

View this post on Instagram

 

A post shared by Beyoncé (@beyonce)