Американскиот актер Кевин Спејси изведе сцена од претставата „Тимон од Атина“ на Универзитетот Оксфорд, како дел од предавањето за „културата на откажување“, за што доби овации од присутните, пишува „Индепендент“.

Во својот прв сценски настап откако беше ослободен од обвиненијата за сексуално вознемирување, Спејси изведе сцена од Шекспировата драма „Тимон од Атина“.

По петминутната изведба од Шекспировата сатира за богатството, алчноста и предавството, публиката стана и му аплаудираше на 64-годишниот актер.

Oxford, England: Actor Kevin Spacey receives a standing ovation at the Roger Scruton memorial lecture for a monologue performance from Shakespeare’s Timon of Athens. @DouglasKMurray is the event’s featured speaker. Spacey was recently exonerated of all charges in the UK over four… pic.twitter.com/ZkFCOYe3M6

— Andy Ngô 🏳️‍🌈 (@MrAndyNgo) October 16, 2023

Критичарите често ја опишуваат „Тимон од Атина“ како драма која го истражува она што денес би се нарекло „култура на откажување“, или на англиски – „cancel culture“.

Делото, напишано на почетокот на 17. век, ја раскажува приказната за атински граѓанин кој го троши своето огромно богатство како покровител на паразитски писатели и уметници. Кога ќе го изгуби целиот свој имот, неговите поранешни пријатели го напуштаат.

Оскаровецот ја избра сцената како уникатен начин да разговара за сопственото исфрлање од Холивуд поради наводите за сексуално вознемирување.

„Тимон од Атина“ завршува со тоа што главниот лик станува огорчен пустиник отфрлен од атинското општество.

Кевин Спејси бил итно пренесен во болница: Му се слошило при посета на музеј во Узбекистан