Претседателот Стево Пендаровски, запрашан зошто повторно не се прогласи вонредна состојба, објасни зошто во моментот не е потребно такво нешто, односно зошто според него вонредна состојба во моментот, како што рече, не врши работа.

-Претходно прогласивме вонредна состојба, но сега тоа не е потребно бидејќи сега имаме функционално Собрание. Претходно тоа се направи за да може Владата, наместо Собрането, да носи закони. Не ни е потребна вонредна состојба за да прогласиме полициски час, едното со другото не е поврзано, истакна Пендаровски.

Поради есенскиот бран на пандемијата, Пендаровски истакна дека, здравствениот систем се реорганизира, се ангажираат дополнителни капацитети, се прават максимални напори да се тестираат максимално повеќе лице и да се згрижат повеќе пациенти.

Тој додаде дека и без вонредна состојба, армијата е ангажирана во некои земји, а истото можеме да го сториме и ние.

ВИДЕО | Пендаровски: За жал сведоци сме дека ситуацијата не се подобрува, таа е исклучително сериозна

-Армијата е ангажирана во некои земји. Работат дури и епидемиолошки анкети. Доколку е потребно и јас ќе дозволам ангажирање на војниците, односно армијата да биде логистичка потреба, истакна Пендаровски.

Дека во моментот нема потреба од вонредна состојба истакна и премиерот Зоран Заев. Оваа ситуација да не се користи за добивање на политички поени, рече Пендаровски.

ВИДЕО | Филипче: Состојбата на Спасовски е стабилна, има благо покачена температура