ВИДЕО: Осимен блескаше со хет-трик, Елмас и Наполи осамени на врвот во италијанската Серија А
Составот на Наполи ја продолжува победничката серија во италијанскиот шампионат, денеска на стадионот „Диего Армандо Марадона“ со 4:0 го надигра Сасуоло.
Одличен меч имаше интернационалецот од Нигерија Виктор Осимен кој запиша хет-трик со погодоци во четвртата, 19 и 77 минута. Во 36 минута Грузиецот Хвича Кварацхелија стрелаше за 3:0.
Македонскиот репрезентативец Елиф Елмас настапи од 56 минута како замена за Зиелински.
На табелата „наполитанците“ се на врвот со 32 бодови, шест повеќе од Милан кој својот меч ќе го има в недела, а Сасуоло е на деветтата позиција со 15 бодови.
Во следното коло Наполи на 5 ноември ќе гостува кај Аталанта, додека Сасуоло истиот ден ќе игра со Емполи.