ВИДЕО: Наполи како „машина“ и во Серија А, Елмас не доби минутажа против Кремонезе
Денеска во деветтото коло од најсилното италијанско првенство составот на Наполи со 1:4 триумфираше на гостувањето кај Кремонезе.
Во првиот дел составот на Лучано Спалети стекна предност со голот на Политано кој беше прецизен од пенал во 26 минута, а израмнија домаќините преку Десерс (47`).
Резервните играчи на Наполи ја донесоа победата на теренот во Кремона, по еднаш во листата на стрелците се запишаа Симеоне, Лозано и Оливера.
Удинезе ремизираше на домашен терен со 2:2 против Аталанта, за домаќините не настапи нашиот напаѓач Илија Несторовски.
На табелата „наполитанците“ се на првото место со 23 бодови, два повеќе од Аталанта, додека е трет Удинезе со 20.
Серија А, деветто коло
Недела
Торино – Емполи 1:1
Монца – Специја 2:0
Салернитана – Верона 2:1
Удинезе -Аталанта 2:2
Кремонезе – Наполи 1:4