ВИДЕО | Mудрик дебитираше, Ливерпул и Челзи ремизираа
Дербито во англиската Премиер лига помеѓу Ливерпул и Челзи денес заврши без победник.
Двете екипи во натпреварот влегоа со сериозна резултатска криза, па денес како повеќе да мислеа на својот гол во страв да не го загубат и овој натпревар. Гледавме натпревар кој не изобилуваше со добри прилики, а по 90 минути игра средбата заврши 0:0.
Коди Гакпо, најзвучното засилување за Ливерпул во зимскиот преоден рок го запиша и четвртиот настап за „црвените“, но повторно остана без гол.
За издвојување од натпреварот е и дебито на засилувањето од 100 милиони евра за Челзи, Михаило Мудрик. Само што влезе во игра Мудрик го покажа својот талент и влезе во две големи прилики за погодок. Сепак и во двете ситуации шутираше покрај голот.
По ова реми Ливерпул е на осмата позиција на табелата, додека Челзи е десетти.