Македонскиот репрезентативен голман Никола Митревски повторно имаше одлична партија во дресот на Порто во ЕХФ Лигата на шампионите. Португалскиот клуб на домашен терен во рамките од заостанатото 12 коло со 28:26 пред своите навивачи го совлада ППД Загреб.

Митревски на овој меч во втората победа сезонава за Порто придонесе со 13 одбрани. Една од нив Португалците објавија во која се гледа како нашиот чувар на мрежата го запре ударот на екс членот на Вардар 1961, Тимур Дибиров кој беше во контранапад.

Веитиа за Порто беше најефикасен со шест голови, а Дибиров со 10 погодоци се истакна како прв стрелец кај Хрватите.

На табелата по 13 кола Порто кој ги загуби шансите за понатаму во елитното клупско натпреварување е на последното осмо место со пет бодови.

ППД Загреб е на шестата позиција со осум бодови и заедно со Висла кој има седум на седмото место води битка за влез во плеј-офот.

Во последното коло на 1 март ППД Загреб ќе му гостува на данскиот ГОГ, додека следниот ден Порто ќе биде домаќин на полската Висла.

𝗬𝗼𝘂'𝗿𝗲 𝘂𝗻𝗯𝗲𝗹𝗶𝗲𝘃𝗮𝗯𝗹𝗲 😱

Que momento do Nikola Mitrevski🤩💙#FCPortoAndebol #FCPortoSports pic.twitter.com/S2XeX5fG6B

— FC Porto (@FCPorto) February 26, 2023