ВИДЕО: Милан „броеше“ до седум, Јуве и натаму се мачи за ЛШ!
На две кола до крајот на сезоната во Серија А продолжува борбата за една од Топ 4 позициите кои водат во Лигата на шампионите следната натпреварувачка сезона.
Денеска се одиграа осум натпревари, најубедлив беше Милан кој триумфираше со дури 0:7 на гостувањето кај Торино. Хет-трик за „росонерите“ запиша Ребиќ, два гола постигна Хернандез, а по еден Кесје и Диаз.
Интер кој веќе ја освои титулата во дербито на колото со 3:1 во Милано ја совлада Рома. За „нера-ѕурите“ голови имаа Брозовиќ, Весино и Лукаку, а за римската „волчица“ единствениот погодок беше дело на Мхитарјан.
Јувентус и натаму се мачи за место во ЛШ, вечерва запиша нов триумф од 1:3 против Сасуоло, Кристијано Роналдо кој дојде до уште една „стотка“ беше двоен стрелец.
Македонскиот репрезентативец Горан Пандев беше стартер и настапи до 69 минута во гостинската победа на Џенова против Болоња и на тој начин го обезбедија опстанокот во елитата. Во другите мечеви: Каљари-Фиорентина 0:0, Аталанта-Беневенто 2:0, Лацио-Парма 1:0, Сампдорија-Специја 2:2.
Табела: Интер 88 бодови, Аталанта 75, Милан 75, Наполи 73, Јувентус 72, Лацио 67, Рома 58…