Рускиот тенисер Данил Медведев ја освои титулата на турнирот во Дубаи, откако во финалето го совлада сонародникот Андреј Рубљов сонародник убедливо со 2:0 во сетови 6:2 и 6:2.

Медведев до својата 18 титула во својата кариера, трета по ред, дојде по само 68 минути игра.

Претходно славеше во Ротердам и Доха пред турнирот во Дуваи, па стана третиот тенисер кој освои три титули во исто толку недели од 2021 година, придружувајќи им се на Каспер Руд (јули 2021) и Феликс Оже Алијасим.

Од друга страна, Рубљов не успеа да ја одбрани титулата во Дубаи освоена минатата година и остана на 12 освоени трофеи.

Медведев по освојувањето на шампионскиот пехар имаше низа пофалби за Рубљов, а потоа го „пецна“ и грчкиот тенисер Стефанос Циципас, кој по поразот од Рубљов на Завршниот мастерс во Торино, немаше убави коментари за Андреј.

– Прво, да му честитам на Андреј за одличната недела. Јас само ќе потсетам на не толку одамна изјава на еден играч, кој рече дека тој (Андреј) не поседува многу „оружја“. Кога го прочитав тоа, си реков: „Како може тоа да каже? Андреј е еден од највештите тенисери на турнирите, но сè уште не го покажал сиот потенцијал. Сигурен сум дека може да освојува грен слемови, се надевам дека уште многу пати ќе го победи тој човек (Циципас) – рече Медведев.