ВИДЕО: Мареј блескаше против Бостон, Јокиќ за малку до „трипл-дабл“ учинок
Кошаркарите на Денвер нагетс во НБА лигата ја прекинаа импресивната низа на Бостон селтикс од 20 победи во низа на домашен терен.
Славеше тимот од Колорадо со 102:100 најмногу благодарение на одличните партии на Џамал Мареј и Никола Јокиќ.
Мареј запиша 35 поени, осум скокови и пет асистенции, додека Јокиќ имаше 34 поени и 12 скокови, а му недостасуваше уште една асистенција да го комплетира „трипл-дабл“ учинокот.
Трагичар беше најдобриот играч на Бостон, Џејсон Тејтум кој во последната секунда имаше можност да го однесе мечот во продолжение, но не реализираше шут за два поени.
Најефикасен во поразената екипа беше Дејрик Вајт со 24 поени, Тејтум уфрли 22, а Кристапс Порзингис 21.
Денвер е на третата позиција во Западната конференција (29-14), додека Бостон е првопласиран на Истокот (32-10).
НБА лига, резултати –
Шарлот – Сан Антонио 124:120
Орландо – Филаделфија 109:124
Бостон – Денвер 100:102
Мајами – Атланта 108:109
Њу Орлеанс – Феникс 109:123
Голден Стејт – Далас (одложено)
Портланд – Индијана 118:115
ЛА Лејкерс – Бруклин 112:130