Законот за минимална плата опозицијата и позицијата ги втурна во трка кој повеќе се грижи за работниците. Како и да е, 78.000 работници ќе го искористат бенефитот од зголемената минимална плата која сега изнесува 18.000 денари. За ова се согласија и позицијата и опозицијата, но опозицијата бара со амандман зголемување на платата и во јавниот сектор.

-Јас гледам кој што прави, а не што зборува. Дел од опозицијата долго време го држеа ставот дека ќе колабира македонската економија ако се зголеми минималната плата. Денес минималната плата е со 100 отсто покачување споредено со времето на ВМРО-ДПМНЕ. Со растот на минималната плата ќе расте потрошувачката и со тоа и економијата, вели за Утрински брифинг Ненад Коциќ, пратеник од СДСМ.

Тој додава дека платите треба да се зголемуваат во сите сектори, како што треба да се зголемуваат и пензиите. Порасната е и просечната плата од 23.000 на 31.000 денери. Кога станува збор за платите на наставниците, ВМРО-ДПМНЕ ниту еднаш кога беа на власт не ги покачија платите на 4700 професори и наставници.

Проследете го целиот разговор во видеото