Кошаркарите на Денвер славеа победа над Голден Стејт со 134:117 и така го потврдија првото место на Западната конференција. Домаќините до победата стигнаа со подобрата игра во второто полувреме.

„Воините“ беа подобар тим на стартот од натпреварот и често пати во првиот дел имаа предност, сепак пред паузата Нагетси направија пресврт и минимално поведоа со 70:69. Во второто полувреме прикажаа многу подобра игра. Џамал Мареј постигна 33 поени, а Стеф Кари на спротивната страна „броеше“ до 28.

Српскиот кошаркар Никола Јокиќ повторно беше еден од најдобрите на паркетот со трипл-дабл од 22 поени, 16 асистенци и 14 скока.

Победа славеше и Далас на Дончиќ, а одново предводник беше Словенецот кој постигна 31 поен.

Лејкерси во драматичен натпревар ја совладаа Индијана со 111:112. Ентони Дејвис кој се врати во тимот и одигра натпревар со дабл-дабл од 31 поен и 14 скокови, треба да се спомене и дека ја имаше клучната блокада во одбраната кога се решаваше победникот. Леброн го заврши натпреварот со 26 поени, седум скокови и седум асистенции.

Вечер за паметење имаше Јанис Антетокумпо кој постигна 54 поени и додаде 19 скокови во натпревар во кој Милвоки се врати од „минус 21“ и славеше победа со 106:105 против ЛА Клиперс.

НБА РЕЗУЛТАТИ:

Индијана – ЛА Лејкерс 111-112, Кливленд – Мемфис 128-113, Њујорк – Мајами 106-104, Чикаго – Шарлот 114-98, Далас – Њу Орлеанс 111-106, Денвер – Голден Стејт 134-117, Милвоки – ЛА Клиперс 106-105.