ВИДЕО: Избркани учениците од Трстеник што малтретираа професорка
Наставничкиот совет на Техничкото училиште од Трстеник, Србија, ги избркал учениците кои брутално се изживуваа врз професорката по англиски јазик Марија Стевановиќ.
Тие го снимиле чинот кога и го повлекуваат столчето на кое седела, и потоа го објавиле видеото на социјалните мрежи.
Užas u Trsteniku, maltretiraju nastavnicu i izmiču joj stolicu. pic.twitter.com/zLKDe2KXuB
— krunskisvedok (@noviput) November 16, 2022
Активот на директори на основните и средните училишта во Трстеник најостро го осуди насилството и побара сторителите на инцидентот да бидат казнети, изразувајќи целосна поддршка за нападнатата професорка по англиски јазик Марија Стевановиќ и вработените во училиштето.
Инцидентот се случи пред една недела, и во него учествувале тројца ученици.
Професорката – жртва на немилиот настан во изјава за српските медиуми рече дека не била ни свесна за тоа што се случило на часот. Дури кога дошла дома и синот и го покажал видеото, сфатила што ѝ се случило.