Една нечиста навлака за перница, може да содржи 3 милиони бактерии по само една недела, околу 17.000 пати повеќе бактерии што може да се најдат на тоалетна школка, се вели во извештајот што го сподели „Америслип“ („Amerisleep“).

Анализата ги опфатила податоците за чистотата на душеците, постелнината и навлаките за перници, како и расчленувањето на потенцијалните патогени кои демнат меѓу чаршафите.

Алергените, габите и мртвата кожа се меѓу вознемирувачките честички со кои не би се чувствувале пријатно во текот на ноќта, а меѓу другото, тие можат да привлечат прашински грини и микроскопски животни кои се насладуваат со мртви клетките на кожата.

Експертите предупредуваат дека навлаките за перници, треба редовно да се менуваат и тоа повеќе од само еднаш неделно или месечно.

„Кога ќе легнете во кревет, ја контаминирате постелнината со мртви клетки на кожата (околу 50 милиони дневно), пот, шминка, лосиони, коса и уште многу други работи кои сте ги користеле во текот на денот, па дури и полен, првут од домашни миленици до габична мувла и разни бактерии и вирусни честички. Мртвите клетки на кожата и потта обезбедуваат храна за грините, привлекувајќи ги кон вашиот кревет и помагајќи им да се размножуваат“, изјавил д-р Хедли Кинг.

Неодамнешното видео објавено на ТикТок, дава визуелна претстава на колониите на бактерии, кои очигледно лесно се размножуваат под нашата глава секоја вечер. Во него, се објаснува како, за само неколку дена без перење на навлаките за перници, бактериите рапидно се размножуваат.

Но, покрај предупредувањата на докторите дека треба рутински да се менуваат навлаките за перници, на неколку дена и чаршафите секоја недела, многумина чекаат еден месец или повеќе за да ја сменат и исперат постелнината.

Во продолжение погледнете го видеото:

@simonandbee Replying to @eduvale6999 Why @Argie (formerly Silvi) instead of washing so the time? It is recommended to wash your pillowcases every 3 days to reduce acne and germs – youre right. But it takes a lot of time, water, detergent and running costs to keep washing so frequently. Considering you sleep every single night you might find an argie pillowcase is easier and better value . . . #meetargie #argie #silvi #bacteria #acneskin #acnefighter #acnescars #bedding #skincareroutine #skincaretips #acne #acnetreatment #silk #satin #pillow #pillowcase ♬ Magical Mystery – Mark Fabian & Alexander Smith