ВИДЕО: Иако нивниот тим не играше, Јапонците го чистеа стадионот по мечот Катар-Еквадор
Веројатно ваквите моменти не треба да бидат вести, но живееме во друг свет и информацијата дека некој си исчистил по себе без да мора, ја обиколи планетата.
Така беше со Јапонците пред четири години, се сеќавате кога фудбалерите на тој тим секој пат по завршувањето на активностите во таа просторија ја чистеа соблекувалната, а слична приказна беше и со навивачите кои го чистеа ѓубрето зад себе во трибините.
Домаќините сега се воодушевени од јапонските навивачи кои пристигнаа во Катар и ги следеа натпреварите на овој Мундијал.
Иако не беше натпревар на нивната репрезентација, Јапонците решија да го исчистат целиот стадион по натпреварот меѓу Еквадор и Катар.
Добро слушнавте, неколку десетици фанови тргнаа во акција бидејќи „Јапонците никогаш ништо не оставаат зад себе“.
Јапонците инаку се во групата „Е“ заедно со селекциите на Шпанија, Костарика и Германија. Првиот меч ќе го имаат на в среда (23 ноември) против Германците.
Japanese fans at the opening World Cup match cleaned up the stands after Qatar-Ecuador. 🇯🇵
Most respectful fans in the world. 👏
🎥 IG/qatarlivingpic.twitter.com/yZHhe0sQNw
— Football Tweet ⚽ (@Football__Tweet) November 21, 2022