ВИДЕО: Холандските „лалиња“ среќно до бод, Еквадор директно решава против Сенегал
Во натпреварот од второто коло во групата „А“ на Светското првенство во Катар репрезентациите на Холандија и Еквадор ги поделија бодовите.
Мечот е завршен со резултат 1:1, стрелец за холандските „лалиња“ беше Гакпо во шестата минута, а кај Еквадорците стрелаше Валенсија во 49 минута.
Еквадор во судиското надополнување од првиот дел постигна гол, но истиот беше поништен поради офсајд.
Јужноамериканскиот претставник имаше шанса да направи комплетен пресврт на овој дуел, но Гонзало Плата во 58 минута ја погоди пречката.
Двете селекции сега имаат по четири бодови, а по денешната победа на Сенегал над домаќинот Катар (1:3), сите три репрезентации се во игра за пласман во осминафиналето.
На 29 ноември е третото последно коло во групата, од 16.00 часот ќе играат Еквадор – Сенегал и Холандија – Катар.