ВИДЕО: Сенегал рутински до триумф, историски гол на Катарците
Фудбалерите на Сенегал денеска во второто коло од групата „А“ на Светското првенство го совладаа домаќинот Катар со 3:1. Африканскиот претставник дојде до првата победа на Мундијалите, а Катарците одиграа многу подобро отколку на премиерата против Еквадор и го постигнаа својот прв гол во историјата на Мундијалите.
Спорен момент се случи во 32 минута кога најдобриот играч на домашниот тим Афиф беше соборен во противничкиот шеснаесетник, а судијата Лахоз не покажа на „белата точка“. Девет минути подоцна, Сенегал поведе. Голема грешка направи централниот дефанзивец на Катар Хухи, а тоа го искористи сенегалскиот напаѓач Булаје Диa.
Lift off for Senegal 🙌@adidasfootball | #FIFAWorldCup
— FIFA World Cup (@FIFAWorldCup) November 25, 2022
По само три минути од вториот дел, Сенегал го зголеми водството. Одличниот центаршут од корнерот Јакобс беше претворен во гол со уште подобар удар со глава.
Во последниот половина час се запознавме со некој „нов“ Катар кој првата добра шанса ја пропушти напаѓачот Алмоез во 63 минута, но Менди одбрани. Голманот на Челси не можеше да направи ништо во 78 минута кога резервниот напаѓач на домашниот тим Мохамед Мунтари со добар центаршут од десната страна на Мохамед го постигна првиот, историски гол на Мундијалот за Катар.
Шест минути подоцна Сенегалците го решија прашањето за победникот со својот трет гол преку Бамбу Диенг, фудбалерот на Олимпик од Марсеј.
Од 17.00 часот ќе се игра вториот натпревар во „А“ групата, а се среќаваат селекциите на Еквадор и Холандија. Во последното трето коло на 29 ноември, Катар ќе игра против Холандија, а Сенегал против Еквадор.