ВИДЕО: Грчкиот „ѕвер“ Адетокумпо одигра меч за историја против Хјустон
Доцна синоќа во НБА лигата играчите на Милвоки беа предводени од Јанис Адетокумпо кој имаше уште една одлична партија, овојпат во гостинската победа над Хјустон со 123:114.
Актуелниот шампион Милвоки ја прекина серијата од седум победи по ред која ја имаа Рокетси, а овој дуел грчкиот интернационалец Адетокумпо постигна 41 поен, 17 скокови и пет асистенции.
Воедно се искачи на врвот по бројот на блокади, вкупно 805, во историјата на Бакси, престигнувајќи го досегашниот рекордер Алтон Листер кој има една блокада помалку.
– Ова е голем момент за мене и голем комплимент за мојата кариера. Но, морам да продолжам да бидам подобар. Одлично е да се постигне нешто вакво во кариерата, но морам да продолжам да им помагам на соиграчите да победуваме – рече Адетокумпо.
Giannis has surpassed Alton Lister to become the Bucks' all-time franchise leader in blocks.
🍾: @MoetUSA pic.twitter.com/tMoc1HxeUz
— Milwaukee Bucks (@Bucks) December 11, 2021
На спротивната страна за Хјустон прв стрелец беше Герисон Метјуз 23 поени, следен од Армони Брукс кој запиша „дабл-дабл“ учинок од 21 поен.
НБА лига, резултати –
Шарлот – Сакраменто 124: 123
Индијана – Далас 106:93
Атланта – Бруклин 105: 113
Торонто – Њујорк 90:87
Хјустон – Милвоки 114:123
Минесота – Кливленд 106:123
Њу Орлеанс – Детроит 109: 93
Оклахома – ЛА Лејкерс 95: 116
Феникс – Бостон 111:90