Околу 500 луѓе се евакуирани денеска откако избувна пожар во картонската населба Гурјонг во близина на Сеул, главниот град на Јужна Кореја, соопштија претставници на противпожарната служба.

Како што соопштија, изгореле околу 40 куќи на површина од 1.700 квадратни метри.

WATCH: Firefighters battle a massive fire at Guryong village in Seoul that destroyed at least 60 homes, forcing hundreds to flee https://t.co/gcQ2Me2jMd pic.twitter.com/JCqW8RLnd9

— Bloomberg (@business) January 20, 2023

Пожарот бил изгаснат по петчасовна борба со огнената стихија, а на терен биле распоредени околу 800 пожарникари и 10 противпожарни хеликоптери.

Засега нема пријавени жртви.

Јужнокорејскиот претседател Јун Сук-Јул, кој моментално престојува во Швајцарија на Светскиот економски форум во Давос, повика на сеопфатни напори за минимизирање на штетите, изјави денеска неговата портпаролка.