Полицијата во Минск денеска го блокираше пристапот до центарот на градот во обид да го запре протестниот марш, т.н. Популарен ултиматум, пренесува агенцијата ТАСС.

Полицијата распореди водени топови за да го блокира движењето на неколку илјади демонстранти кон Плоштадот на победата.

Денеска е последниот ден од ултиматумот што претседателскиот кандидат  Светлана Тихановскаја му го даде на претседателот Александар Лукашенко.

Барањата вклучуваат негова оставка од функцијата претседател, слобода за политичките затвореници и крај на насилството.

#Belarus This is #Lida, the city of more than 100,000 in Hrodna region. Riot police brutally dispersed protesters there. People were beaten with batons pic.twitter.com/xYM7c0DMtj

— Hanna Liubakova (@HannaLiubakova) October 25, 2020

Опозицијата ги повика работниците од индустриските претпријатија од утре да започнат штрајк доколку не бидат исполнети овие барања.

Полицијата во западниот белоруски град Лида приведе десетици луѓе за време на протестот и фрли солзавец кон демонстрантите.

#Belarus Armed riot police officers against peaceful protesters, women, the elderly and youngsters. People are gathering in #Viciebsk, #Homiel, #Lida, #Hrodna and other cities. There are detentions pic.twitter.com/CYZNlTyX0x

— Hanna Liubakova (@HannaLiubakova) October 25, 2020

Демонстрациите низ целата земја почнаа по претседателските избори на 9 август, кога Лукашенко, кого опозицијата го обвинува за кражба на гласови, оствари победа со 80,10 проценти од гласовите. На второто место се најде Тихановскаја, која одби да ги признае резултатите, со 10,12 проценти од гласовите.

Извор: МИА