Македонскиот репрезентативец, Елиф Елмас во вчерашниот натпревар на Наполи постигна гол со кој ја запечати победата клубот од Неапол против Кремонезе од 3:0.

Турција која во овие моменти ги брои илјадниците жртви од силниот земјотрес има големо значење за македонскиот „дијамант“ поради неговото потекло, но и токму првиот голем трансфер од Работнички го направи Фенербахче. По голот Елиф со рацете го прикажа турското знаме во знак на поддршка на настраданите.

Elif Elmas ve Ay Yıldız 🇹🇷 pic.twitter.com/8wVM4ejJM3

— Numan Sakar (@_numansakar) February 12, 2023

За одличниот настап, Елмас доби поддршка и од тренерот Спалети.

„Многу пати досега кажав дека Елмас секогаш кога игра е импресивен. Кога е на теренот секогаш го дава максимумот и покажува дека заслужува да биде на теренот, некогаш жалам што не е стартер. Постојано дава голем придонес во победите и е среќен што може да помогне“, изјави Спалети по натпреварот.

За Елмас ова беше шести гол сезонава со што е трет најефикасен стрелец во Наполи зад Осимен (17) и Кварацхелија (9).

ELMAS 😎

pic.twitter.com/f0JuMKgQ5n

— Football Macedonia (@MacedonianFoot_) February 12, 2023